Historical Timeline
Explore over a hundred years of Nova Scotia sports history.
1800
1800
1802
1861
1867
1870
1875
1884
1885
1890
1893
1895
1897
1904
1913
1914
1922
1927
1935
1950
1952
1953
1958
1966
1970
1971
1972
1974
1976
1977
1981
1983
1986
1987
1987
1989
1991
1993
1993
1993
1994
1994
1994
1996
1997
1998
1999
1999
1800
- Sport
- Hockey
Tu’aqn
Ta’n L’nu’k milita’tip, Tu’aqn, na wejiaqip ta’n teltek maqamikew aqq ta’n apjiw telikiskikl na’kwekl kaqi’sipunqik: pekijiaql aqq teke’kl kesikl, Mi’kma’ki, pukwelkl quspeml aqq oqutekl walne’l. 1913ek L’nu kisiku Selmi Leksi aknutmuapn Harry Piersal ta’n No’pa Sko’sia Museum etl-lukwelipn ta’n tel mila’timk Tu’aqn:
“Kiwto’qapskek kuntew, e’wmik kmu’j taqtmik mkumiktuk… ktikik tu’owinu’k poqtituku’ltijik mkumiktuk aqq weji msna’titl ke’skmna’q naqa’silikw aqq apaja’tua’titl ta’n wenl kisi l’ta’pn. Ktikik tu’owinu’k kisi pittesintaqq kisna apkwiljo’tla’tital. Ta’n wen menaqa apaji pkisulatl, na tqamatal ta’n tujiw nuta’q tqamuksilin. Mu tu’a’ti’tik nike’ aqq sa’q kespi milita’tij… katu ta’n tel milita’mk na siawiaq.
Tu’aqn pekwanapni Lulupkewaq pejiwksultite’wk poqjiaqek 1800’sek, aqq tu’a’timk ne’a’sikip tepkisamu’ktn mila’timkewey. Mikmaq siawa’tu’tip ula tel-milita’mk, e’wmi’tipnn kmu’jl tepow l’tunew alje’maqanatkul kesiktantasikipnn wjit ta’n tel-wlitasik. Pukwelkl L’nu Utanl ta’n etlitasikipnn alje’maqanatkul: Ta’puewey Mekwe’k A’sumkwaqn, Punamu’kwati’jk, Tuftek Walne’k, We’kwapekitk, Sipekne’katik, aqq ktikl. Ula lukwaqn keska’qip 1930’sek ta’n tujiw poqji l’tasikek laminatewa’tasikl alje’maqanatkul.
Alje’ma’timk na me’ pukwelkik Mi’kmaq kesatmi’tij. Teli pkijiaq 1900’sek, pukwelkik Mi’kmaq tu’owinu’k paqasita’pnik mkumiktuk kutey nike’ Eskasoni Eaglesaq. 1970’sek aqq 1980’sek Wallace Bernardo’q Mawpeltuewa’jaq mawa’lapni tu’a’tinew L’nu’k aqq wettaqto’tultinew. 2019ek Ryan Francis apoqnmuep poqji tu’a’tilin L’nu’skwe’jk alje’ma’timkewey No’pa Sko’sia. Ula nekmowey apoqnmuapni piamiw ta’pu kaskimtlnaqn nutqo’ltijik e’pite’sk wejita’jik ne’siskl Mi’kmawe’l Utanl tu’a’tinew alje’ma’timk. Ryan mekenup wjit NHL’ey Willie O’Ree Community Hero Award wjit wtlukwaqn.
Image is original artwork by Gerald Gloade
1970